ΛΟΓΟΤΕΧΝΙΑ

Σαντά

Η Σαντά μουν ελίβωσεν
ερρούξεν απές σην Δύσαν
κι αδά σην Σουμελάν
ουλ κάθουνταν και κλαίγνε.

Οι παλαιοί εμούν με την σειράν
απ’ ίνας ίνας φεύνε
κ’ επέμναμεν εμείς αδά
το φως για να κρατούμε.

Παλιά Εκκλησία (Παναγία Σουμελά)

Οσήμερον σην Σουμελάν
βαρέα κρούει η καμπάνα
κρούει βαρέα και θλιβερά
για τ’ ανθρώπς ντ’ εχάθαν.

Αχ Σουμελά Παναγιά
πότε θα εφτάς το θάμαν
να σκούται η Δύσα από παν
να λάμπ ξαν όλεν η Σαντά;

Η Σαντά όντες θα λαμπ
ατότες ολόεν έθνος
θα σκων κιφάλ και θ’ ανασταίν
τ’ εμέτερον, τ’ Ελλενικόν το γένος.

Επίλογος απο την ομιλία του Γιώργου Ανδρεάδη στο μνημόσυνο των Σανταίων τον ΣΕΠΤΕΜΒΡΗ του 2004 στην Παναγία Σουμελά…

Αφήστε μια απάντηση

Η ηλ. διεύθυνση σας δεν δημοσιεύεται. Τα υποχρεωτικά πεδία σημειώνονται με *

error: Content is protected !!